တောဆီးဖြူပင်

စာဖတ် ပရိသတ် များ ဖတ်ရှု လေ့လာ နိုင်စေရန် တိုင်းရင်း ဆေးဝါး ဖော်စပ် ရာတွင် အသုံးဝင် သည့် ဆေးဖက်ဝင်အပင်များအကြောင်းကို Health Digest ကျန်းမာရေးနှင့် ဆေးပညာဂျာနယ်တွင် စဉ်ဆက်မပြတ် ရေးသားဖော်ပြခဲ့ရာ ယခုအပတ် ဖတ်စရာ မှတ်စရာသိစရာ အဖြစ် ဤ ဆောင်းပါး ကို ရေးသားတင်ပြထား ပါသည်။ စာရေးသူ မှီတင်းနေထိုင်ရာ နိုင်ငံတွင် သဘာဝပေါက် ဆေးဖက် ဝင်အပင်များစွာသည် ရာသီအလိုက် ပေါက်ရောက်ကြသည်။ သို့သော် အချို့အချို့သော အပင်များ၏ ဆေး ဖက်ဝင် အာနိသင်များကို လူတို့ သတိမပြုမိဖြစ်နေကြသည်ကို တွေ့ရှိ နေရပါသည်။ ထိုအပင်များ ထဲမှ တောင်ဆီးဖြူပင်အကြောင်းကို ဖော် ပြလိုက်ရပါသည်။ မြန်မာပြည်တွင် မြေဆီးဖြူ၊ တောဆီးဖြူ၊ တောင်ဆီးဖြူအမည် များနှင့် ထင်ရှားသည်။ အင်္ဂလိပ် အမည်မှာ Phyllantia ဖြစ်သည်။ မိုးရာသီတွင် အလေ့ကျပေါက်၍ မိုး ရာသီကုန်ဆုံးလျှင် အလိုအလျောက် သေဆုံးကုန်တတ်ကြပါသည်။ အပင်၏ အသွင်အမျိုးအစားများ မှာ မြေဆီး ဖြူအနီရောင်၊ မြေဆီးဖြူ အဖြူရောင်၊ ရိုးရိုးမြေဆီးဖြူနှင့် မြေဆီးဖြူအကြီးဟူ၍ ဖြစ်ပါသည်။


တိုင်းရင်းဆေးဝါးအသုံး


မြန်မာနိုင်ငံတိုင်းရင်းဆေး ပညာရှင်များက တောင်ဆီးဖြူပင်ကို အသည်းရောင်အသား ဝါေ ရာဂါ၊ ကျောက် ကပ်ရောဂါ၊ ဆီးချိုရောဂါ တို့တွင် အာနိသင်ရှိကြောင်းကို အသိ အမှတ်ပြုထားပြီးဖြစ်ပါသည်။


အပင်ထွက် ဓာတု ဒြပ်စင်များ Phytochemical


ဆေးသိပ္ပံပညာရှင်များ၏ တွေ့ရှိ ချက်များအရ အဆိုပါအပင်တွင် Phytochemical ဓာတုဒြပ်စင်များ ဖြစ်သော Niranthin, Nirteralin, Phylanthine, Hypohlyllanthine တို့ပါဝင်ကြောင်း တွေ့ရှိထားကြပါ သည်။ သွေးပေါင်ချိန် ကျဆင်းစေသော အာနိသင်ရှိကြောင်း သိရှိရပါသည်။

စမ်းသပ် ဆေးဝါးဗေဒ

သိပ္ပံနည်းကျ လေ့လာသုတေ သနပြုထားချက် တစ်ရပ်အရ အသည်းရောင်အသားဝါ ဘီပိုးဗိုင်းရပ်စ် ကို ဆန့်ကျင်သောအာနိသင်၊ သွေး တွင်းသကြားဓာတ်ကျစေသော အာနိ သင်၊ ပဋိဇီဝအာနိသင်၊ ဆီးကျောက် ကိုပျော်စေသော အစွမ်းသတ္တိများ ရှိကြောင်း တွေ့ရပါသည်။ ဤ အချက်များသည် တောင်ဆီးဖြူပင် Phyllanthus Niruri Linn ၏ ဂုဏ်သတ္တိပင်ဖြစ်ပါသည်။ စာဖတ် ပရိသတ်များကို သိရှိစေနိုင် ရန် မြေဆီး ဖြူ ၏ ဆေးဖက်ဝင်ပုံများကို ဆက် လက်၍ ဖော်ပြပါမည်။


မြေဆီးဖြူ  Phyllanthus Niruri Linn

မြန်မာ့ဆေးကျမ်းအဆို


မြန်မာ့ဆေးဝါးအဖြစ် အသုံးပြု ရာတွင် ပဉ္စငါးပါးကို သုံးစွဲရပါသည်။ ဆေးဝါး အာနိသင်များမှာ ချဉ်၊ ဖန်၊ ခါးသောအရသာရှိ၍ အေးသောသတ္တိရှိပါသည်။ ဝိပါကမှာ စပ်ပါသည်။ အစာကို ကြေစေခြင်း၊ နှုတ် ကိုမြိန်စေ ခြင်း၊ အဆိပ်ကိုနိုင်စေ၍ လေကို သက်စေနိုင်သည်။ သည်းခြေနှင့် သည်းခြေဒေါသ ကို နိုင်သည်။ သွေးအန်သွေးကျ၊ ရေငတ်ချောင်းဆိုး၊ ဝါသင့်နာ၊ ပန်းနာရောဂါ၊ ခယရုပ ရောဂါ၊ နူနာ၊ အဆိပ်သင့်ခြင်း၊ ကြို့ ထိုးခြင်း၊ ထိခိုက်ဒဏ်ရာတို့ကို သက် သာ ပျောက်ကင်းစေနိုင်ပါသည်။

တိုင်းရင်းဆေးဝါးအသုံး

မြန်မာနိုင်ငံ တိုင်းရင်းဆေးဆရာ ကြီးများက ကျောက်ကပ်ရောဂါ၊ ဆီးချိုရောဂါ၊ အသည်းရောင်ရောဂါ၊ အသားဝါရောဂါတို့ကို ကုသရာတွင် ဤဆေးပင်ကို အသုံးပြုကြပါသည်။

အပင်ထွက် ဓာတု ဒြပ်စင်များ
Phytochemical

အဆိုပါ အပင်အား သုတေသန ပြု လေ့လာရာတွင် အောက်ပါဒြပ်စင် များပါဝင်ကြောင်းကို သုတေသနမှတ် တမ်းအရ သိရှိရပါသည်။ Bitter Substance နှင့် Alkaloid ပင်ဖြစ် ပါသည်။

စမ်းသပ်ဓါတုဗေဒ

သုတေသီများ၏ သုတေသန ပြုချက်များအရ ဗက်တီးရီးယားပိုးကို သေစေနိုင်သော အာနိသင်နှင့် ဝမ်း ပျော့စေသော အာနိသင်ရှိခြင်းတို့ကို တွေ့ရှိရသည်။

ကလေး အိပ်မပျော်

မြေဆီးဖြူအမြစ်ကို သန့်စင် အောင်ဆေးကြောကာ ပြုတ်ဆေး ရည်နည်းအတိုင်း ပြုတ်၍ ရရှိလာ သော ဆေးရည်ထဲတွင် သကြား အနည်းငယ်မျှကိုထည့်၍ အိပ်မပျော် သောကလေးကို တိုက်ကျွေးပေးခြင်း ဖြင့် ကလေးသည် ညဘက်တွင် အိပ်ပျော်စေနိုင်ပါသည်။

ဆီးလမ်းကြောင်းတွင်ဖြစ်တတ်သော ရောဂါများ

ဆီးလမ်းကြောင်း ရောဂါများဖြစ် သည့် ကိုယ်ရေဝါရောဂါ၊ ရေဖျဉ်းရော ဂါ၊ ညောင်းကျရောဂါ၊ ဆီးရောဂါ၊ သွေးဝမ်းရောဂါ၊ ဆီးသွေးပါသော ရောဂါ၊ ဆီးနည်းသောရောဂါများကို အိမ်တွင်းကုသနည်း မှာ ခြောက်သွေ့ အောင် လှန်းထားသော မြေဆီးဖြူ ရွက်ကို ပြုတ်ဆေးရည်အဖြစ် အသုံး ပြုနိုင်ပါသည်။ အသားဝါရောဂါကုသုသုသနည်းး လတ်ဆတ်သော မြေဆီးဖြူပဉ္စငါးပါးကို သန့်စင်စေ ရန်ဆေးကြာ ပြီး နေပူလှန်းအခြောက်ခံကာ ပြုတ်၍ရသောအရည်ကို ဆေးချိန် အတိုင်းသောက်ပေးခြင်းဖြင့် ဝါသင့် နာဟုခေါ်သော အသားဝါရောဂါကို သက်သာစေနိုင်ပါသည်။ ဤဆေး နည်းမှာ ရောဂါ ကုသဆေးကောင်း တစ်လက်ပင်ဖြစ်ပါသည်။

ရေဖျဉ်းရောဂါနှင့် ဆီးရောဂါ

သန့်စင်ထားသော မြေဆီးဖြူပင် ပဉ္စငါးပါးကို ပြုတ်ဆေးရည် စံချိန် အတိုင်းပြုတ်၍ လူကြီးဆေးတစ်ခွက်စာ ပမာဏအဖြစ် ဟင်းစားစတီးဇွန်း တစ်ဇွန်းစာကို တိုက်ကျွေးပေးနိုင်ပါ သည်။ လေးနာရီတစ်ကြိမ်ကျ တိုက် ကျွေးပေးနိုင်ပါသည်။ ဆီးနှင့် ပတ် သက်သော ရောဂါများတွင် အသုံးပြု နိုင်သော ဆေးနည်း တစ်လက်ဖြစ်ပါ သည်။

ပြည်တူလာသရောဂါ

မြေဆီးဖြူ ပဉ္စငါးပါးကို သန့်စင် စေပြီး အမှုန့်တစ်ဆ၊ သကြားတစ်ဆ၊ ဇီရာမှုန့်တစ်ဆတို့ကို ရောစပ်ပါ။ လူကြီးဆေးတစ်ခွက်စာ ပမာဏအဖြစ် လက်ဖက်ရည်ဇွန်းတစ်ဇွန်းစာကို တိုက် ကျွေးရပါမည်။ နံနက်တစ်ကြိမ် နေ့ လယ်တစ်ကြိမ်၊ ညတစ်ကြိမ် တိုက် ကျွေးခြင်းဖြင့် ပြည်တူလာသရောဂါ အတွက် အသုံးဝင်စေနိုင်ပါသည်။

အသည်းနှင့် ပတ်သက်သောရော၈ါ

တောင်ဆီးဖြူနှင့် မြေဆီးဖြူ သည် အသည်းနှင့်ပတ်သက်၍ မြန်မာနိုင်ငံတွင် သုတေသနပြုကုသ ရာတွင် ထိရောက်မှုကို ပေးဆောင် စေနိုင်ကြောင်းကို တိုင်းရင်းဆေးဖက် ဝင် အာနိသင်ရှိ စာတမ်းတွင် အတည် ပြု ဖော်ပြထားပါသည်။ ဆေးဝါးအဖြစ် အသုံးပြုရာတွင် မြေဆီးဖြူပင် ပဉ္စ ငါးပါးကို ရေဖြင့် သန့်စင်ပြီး အမှုန့် ထောင်း၍ လက်ဖက်ရည်ဇွန်းတစ်ဇွန်း စာကို တိုက်ကျွေးပေးနိုင်ပါသည်။ နံနက် တစ်ကြိမ်၊ နေ့လယ်တစ်ကြိမ်၊ ညတစ်ကြိမ် အသုံးပြုပေးခြင်းအားဖြင့် အသည်းကြီးခြင်း၊ အသည်းရောင် အသားဝါရောဂါ၊ အသည်းအဆီဖုံး ခြင်းတို့ကို သက်သာပျောက်ကင်းစေ နိုင်ပါသည်။ ဆီးပူညောင်း ကျရောဂါနှင့် အသားဝါရောဂါတွင်လည်း အသုံးပြု နိုင်ပါကြောင်းကို ရေးသားတင်ပြလိုက် ရပါသည်။

ဦးကျော်စိန်(ရိုးရာလေး)